Platinum Games ka sjellë disa nga lojërat më të mira në dy gjeneratat e fundit, që nga Bayonetta në Nier: Automata dhe duket se studioja ka prapë projekte në horizont. Sado që projektet e reja të Platinum kanë qëndruar të fshehtë për një periudhë të konsiderueshme kohore, studioja Japoneze premton se mund të presim më shumë lajme tani nga fillimi i këtij viti.
“Vitin e kaluar thamë se 2019 do të ishte një vit ku do të hapeshin dyert për një stad të ri lojërash nga Platinum Games,” u shpreh presidenti Kenichi Sato në një intervistë. “Jemi pak vonë me këtë gjë, por besoj se do të kemi njoftime të mëdha për të bërë në vitin e ri, ndaj ju lutemi që ta mirëprisni këtë. Ky është një premtim që padyshim do e mbaj.”
Përfaqësuesi i studios: Atsushi Inaba, shtoi se mund të prisni për më shumë njoftime “të mëdha dhe të vogla” përgjatë 2020. Një prej këtyre me shumë gjasa do të jenë detajet mbi lojën e ardhshme të madhe aksion të studios. Traileri i gameplay-it për Babylon Fall u publikua në dhjetor dhe premtoi se më shumë detaje do të vinin këtë verë.
Shenjat për një vazhdim të Nier: Automata janë hedhur prej mbi dy vitesh tashmë dhe një bashkëpunim i mëtejshëm me Yoko Taro në një lojë të re do të ishte diçka tepër emocionuese. Tani që Nier ka pushtuar një nga lojërat MMORPG më të mira, është ndoshta koha që Yoko Taro të pushtojë botën.