Programi është emulatori më i madh që ka ardhur ndonjëherë në Steam.
Programi është emulatori më i madh që ka ardhur ndonjëherë në Steam.
Libretro, një zhvillues software është duke sjellë platformën e tij të famshme RetroArch në Steam me datë 30 korrik. Nuk ndodh çdo ditë që një emulator të shfaqet në platformën e Valve dhe RetroArch duket të jetë pikërisht ai që do ta bëjë ndryshimin.
Pjesa e turbullt ligjore, që shpesh i përndjek emulatorët gjithmonë i ka bërë njerëzit të mendojnë se Libretro do të kishte vështirësi për të futur RetroArch në Steam, por duket se Valve nuk ka asnjë rregull kundra emulatorëve. Në njoftimin e bërë në faqen e RetroArch, kompania është treguar shumë e kujdesshme në përzgjedhien e fjalëve që ka përdorur për ta përshkruar software-in.
“Sado që nuk ka asgjë rreth RetroArch ose Livretro API që lidhet me emulatorët, shumica e njerëzve e përdorin për këtë qëllim.”
Versioni në Steam i RetroArch do të ketë identik të njejtin funksion si ai që mund të shkarkoni edhe tani, por duket se në të ardhmen Libretro dëshiron të eksplorojë mundësitë që Steam mund ti japë për të zgjeruar platformën.
Libretro është gjithashtu në bisedime me zhvilluesit dhe prodhuesit e lojërave që kanë të drejta mbi IP origjinale dhe duan të sjellin lojërat e tyre në Steam përmes RetroArch.