Pandemia e coronavirus ka sjellë vështirësi të shumta për kompanitë e videolojërave. Teksa shumica prej tyre e kanë kaluar proçedurën e punës nga shtëpia, realiteti është se mjedisi i zhvillimit të videolojërave është më kompleks se aq dhe shumë kompani ende po përpiqen të përshtaten me dinamikën e situatës.
Fatmirësisht fansat e PlayStation mund të rrinë të qenë, pasi Sony ka dhënë një update mbi lojërat e PS5, duke thënë se gjërat janë duke ecur sipas planit. Konsola është gjithashtu në plan për tu lançuar këtë vit.
Në deklaratën e tij financiare Sony pranon se pandemia ka sjellë disa komplikacione për kompaninë, por këto janë shumë të vogla, gjë që duhet të vijë si lehtësim për fansat që po presin lançimin e saj më vonë gjatë këtij viti. Këta të fundit falen që mendojnë se disa lojëra të PS5 mund të përballen me vonesa në lançim. Fundja, ka patur lojëra ekskluzive të PS4 që janë vonuar prej pandemisë si: The Last of Us Part II, Marvel’s Iron Man VR dhe Ghost of Tsushima.
Pavarësisht problemeve që po qarkullojnë në këtë industri, Sony nuk është e vetmja që ka vetëbesim për lançimet e këtij viti. Phil Spencer i Xbox gjithashtu ka thënë se planet e Xbox Series X vazhdojnë të mbeten të njejta për 2020.