Këto janë katër mënyra për të rregulluar problemet e lag-ut në CSGO
Këto janë katër mënyra për të rregulluar problemet e lag-ut në CSGO
Ping-u i lartë është vazhdimisht problem në lojëra online si CS:GO. Nëse nuk e dini, ping në lojëra online i shpjeguar thjeshtë është koha që i duhet serverit të lojës për të regjistruar një komandë që ju jepni, bazuar në lidhjen tuaj të internetit. Ping-u matet me milisekonda dhe sa më i lartë numri, aq më shumë vonesë do të keni në lojë. Zakonisht pingu është i lidhur me internetin, por ka edhe faktorë të tjerë që e shkaktojnë.
Për të parë pingun tuaj në CS:GO, ju duhet thjesht të hapni konsolën e lojës dhe të përdorni komandën net_graph 1. Nëse ping-u juaj është të paktën 50ms ose më poshtë, gjithçka është në rregull. Ndërkohë, nëse ping-u juaj kalon 100ms, atëherë do të keni probleme.
Ndër gjërat e para që duhet të keni parasysh është fakti se ping-u varet edhe nga distanca juaj nga serverat e lojës, prandaj duhet të zgjidhni serverat që ndodhen më pranë jush.
Për të zgjidhur problemet e pingut në lojë, hapi i parë që duhet të ndiqni është t’i bëni restart modemit tuaj. Shpesh herë, kjo është zgjidhja më e lehtë dhe më e shpejtë, pasi modemat dhe routerat nxehen dhe kjo shkakton probleme.
Hapi i dytë është të verifikoni integritetin e fileve të lojës. Këtë gjë mund ta bëni duke shkuar në Steam, duke klikuar Counter-Strike: Global Offensive me të djathtën dhe duke zgjedhur Properties. Këtu, duhet të shkoni tek Local Files dhe të klikoni Verify Integrity of Game Files dhe të prisni deri sa të mbarojë procesi.
Hapi i tretë është të mbyllni aplikacionet që po përdorin internetin. Përveçse e mira është që të mos shikoni video, të dëgjoni muzikë ose të shkarkoni file, gjithashtu rekomandohet që çdo aplikacion përveç lojës të mbyllet. Nëse ende keni ping, e mira është të hapni Resource Monitor nëpërmjet Search në Windows dhe të shkoni te Network. Këtu duhet të shikoni se cilët procese po përdorin më shumë internet duke parë kolonën Total dhe t’i mbyllni ato. Megjithatë, duhet të keni kujdes që të mos mbyllni proceset e sistemit.
Hapi i katërt që mund të ndiqni është të çaktivizoni antivirusin tuaj, pasi herë pas here mbrojtja dhe firewall që ata vendosin mund të ngadalësojnë internetin tuaj.