Kreu i Xbox, Phil Spencer, ka qenë lart e poshtë këto kohë për të promovuar konsolën e fundit të Microsoft dhe ka folur pak edhe për përqasjen cross-platform të kompanisë. Në thelb duket se Xbox do e nxjerrë pjesën e ‘kutisë’ jashtë ekuacioni.
“Nëse do të sjellim një lojë first-party, ajo do të vijë në PC. Nëse do të sjellin një lojë first-party në PC, ajo do të vijë në Steam dhe në dyqanin tonë. Ne krijojmë një pritshmëri nga klientët tanë.”
“Ndjehem mirë për lojërat që po krijojmë dhe i dua në PC. Nëse kthej kohën pesë vite pas, thoja vazhdimisht se ishim të dedikuar ndaj PC dhe njerëzit rrotullonin sytë, pasi realisht nuk po bënim shumë atëherë. Por mendoj se tani kur shikoj se ku qëndrojmë në Steam dhe Game Pass në PC, kemi treguar se përkushtimi ynë gjatë kohës ja ka vlejtur. Klientët e PC mund ose mund të mos e pëlqejnë atë që ne bëjmë, por duhet të dinë se kur vjen puna për të sjellë diçka, do japim maksimumin tonë si në PC edhe në Xbox.”
Dihet prej kohësh tashmë se shumica e lojërave first-party të Microsoft në fund të ditës do të publikohej edhe në PC, por Spencer këtu po thotë se çdo gjë që ata bëjnë do të jetë cross-platform. Të gjitha. Kleçka e vetme duket të jetë periudha kohore, që do i lejojë Microsoft të ketë një farë ekskluziviteti në gjërat e tij.
Kjo të bën të mendosh për arsyen pse dikush do të donte të blinte një Xbox këto ditë.
“Fakti që ne sheshim lojërat tona në PC, nuk detyron dikë që të iki dhe të blejë konsolën tonë. Synimi ynë qendron brenda ekipit, si masim veten tonë, sa njerëz janë duke luajtur në Xbox? Dhe kur them ‘duke luajtur në Xbox’ nuk flas vetëm për konsolën, por flas për të gjithë ekosistemin tonë, qoftë ai first-party apo third-party. Kështu e mendojmë ne.”