Cloud gaming mund të jetë lufta e re e konsolave
Cloud gaming mund të jetë lufta e re e konsolave
Me gjeneratën e re të konsolave që është fare afër, Microsoft duket se po shikon më larg se lufta tradicionale midis konsolave. Phil Spencer, drejtori i gaming për Microsoft, tha në një intervistë se ai nuk i shikon Sony dhe Nintendo si konkurrentët kryesorë të kompanisë. Në fakt, Spencer e sheh të ardhmen e gaming që të luftohet mbi cloud computing me kompani si Google, Amazon dhe Microsoft.
Kur flasim për Nintendo dhe Sony, kemi shumë respekt për ta, por ne shohim Amazon dhe Google si konkurrentët kryesor në të ardhmen. Nuk duam të mos respektojmë Nintendo dhe Sony, por kompanitë tradicionale të gaming janë jashtë pozicionit. Mbase ato mund të duan të rikrijojnë Azure, por ne kemi investuar dhjetëra miliona dollarë ndër vite.
Azure është shërbimi i cloud computing nga Microsoft. Në industrinë e teknologjisë, mijëra kompani përdorin Azure si pjesë e infrastrukturës dhe produkteve të tyre cloud. Për sa i përket gaming, Azure fuqizon Project xCloud të Xbox. Project xCloud i lejon lojtarët të luajnë lojërat e Xbox nëpërmjet cloud në smartphone dhe tableta. Spencer mendon se kjo është një veçori kyç për të ardhmen e kompanisë, në vend të luftës tradicionale të konsolave që ka ndodhur në gjeneratat e ardhshme.
Spencer gjithashtu thotë se ka dëshirë të bashkëpunojë me Nintendo dhe Microsoft në të ardhmen në iniciativa që i lejojnë lojtarët të luajnë të gjithë së bashku ose kundër njëri tjetrit.
Për sa i përket konkurrentëve për të cilët flet Spencer, Google dhe Amazon kanë të dyja gati infrastruktura për cloud computing dhe janë në faza të ndryshme të sjelljes së gaming në këto shërbime.
Google solli Stadia në 19 nëntor 2019, që i lejon lojtarët të bëjnë stream lojërat në kompjuterat dhe në smartphone-t e tyre Android. Ndërkohë, shërbimi i Amazon për cloud gaming ende mbetet një mister.
Momentalisht, shërbimi i Microsoft mbetet në preview në pajisjet Android, por pritet që një version në PC të vijë gjatë këtij viti.