Shefi i Xbox mund të jetë duke luajtur Halo Infinite në këto momente.
Shefi i Xbox mund të jetë duke luajtur Halo Infinite në këto momente.
Phil Spencer i Xbox tashmë e ka vënë në përdorim konsolën pasardhëse të Xbox One në shtëpinë e tij. Ai postoi në Twitter për këtë të mërkurën dhe tha se ka qenë duke i shijuar lojërat e Project Scarlett gjatë gjithë javës, duke përdorur edhe Elite Series 2 controller.
And it’s started….this week I brought my Project Scarlett console home and it's become my primary console, playing my games, connecting to the community and yes, using my Elite Series 2 controller, having a blast. Great work by the team, 2020 is going to be an incredible year.
— Phil Spencer (@XboxP3) December 4, 2019
Project Scarlett do të lançohet fundvitin e ardhshëm, në të njejtën kohë me PlayStation 5. Nuk është ende e qartë nëse Spencer në këtë rast po i referohet dev kit-it apo versionit final që do të shohim në raftet e dyqaneve.
Gjithashtu nuk është e qartë se cilat lojëra është duke luajtur Spencer, por dimë që konsola e re e Xbox do të lançohet bashkë me lojën Halo Infinite, ndaj ky do të ishte një hamendësim i logjikshëm për tu bërë.
Ashtu si edhe në vitet e kaluara, Xbox-i i ri do të konkurojë drejtpërdrejtë me PlayStation 5. Të dyja konsolat do të ofrojnë permirësime të mëdha në krahasim me paraardhëset e tyre, ku secila do të mbështesë rezolucionin 8K dhe ray-tracing për pamje më të mira vizuale.
Pikëpyetja më e madhe deri më tani është çmimi i secilës prej konsolave, një faktor ky që ndikon shumë në mbarëvajtjet e shitjes së një konsole, siç është vërtetuar edhe në raste të mëparëshme.
Raportohen edhe fjalë për një konsolë motër të Project Scarlett, më pak të fuqishme, të koduar me emrin Lockhart. Kjo e fundit mendohet të jetë ende në zhvillim, por është ende e paqartë nëse Microsoft ka në plan t’i lançojë të dyja konsolat së bashku në fundin e 2020s.