Microsoft i është futur valles Epic VS Apple, duke treguar mbështetjen e tij për zhvilluesin e Fortnite, teksa Apple po përgatitet që të heqë suportin për Unreal Engine ndaj zhvilluesve në fund të gushtit.
Apple njoftoi në 17 gusht se do t’i heqë aksesin Epic Games në adresën e tyre të zhvilluesve brenda iOS dhe Mac. Kjo do e ndalojë Epic që të mund të update-ojë Unreal Engine brenda sistemeve operuese të Apple.
Zhvilluesit që e përdorin këtë sistem, përfshirë këtu Microsoft, do të përfundonin duke u djegur automatikisht. Për këtë arsye kompania publikoi një deklaratë në mbështetje të Epic.
Phil Spencer shpjegoi se e kishin bërë këtë deklaratë në mbështetje të Epic sepse: “Të siguruarit që Epic ka akses në teknologjitë më të fundit të Apple është hapi i duhur për zhvilluesit dhe gamers.”
Kompania ka edhe arsyet e veta personale për ta mbështetur Epic dhe Unreal Engine, duke qenë se shumë prej lojërave të tyre, si Forza Street, e përdorin në iOS dhe Mac.
Deri më tani Apple nuk ka treguar asnjë lloj stepjeje nga deadline-i i tij për fundin e gushtit dhe nuk i dihet nëse gjykata do të ndërhyjë në këtë vendimmarrje. Situata tashmë ka degraduar në diçka më shumë se thjesht një padi ndaj transaksioneve brenda lojës. Mbetet të presim dhe të shohim.