PewDiePie është konstatuar të jetë për momentin mbreti i YouTube, ndaj nuk është çudi që ka shumë produkte të bazuara në imazhin e tij. Së fundmi, një prej tyre sapo u publikua dhe erdhi në formën e një loje RPG për mobile. Po flasim për PewDiePie’s Pixelings, një lojë në mobile, ku mund të vendosni së bashku një skuadër Pixelings.
Pixelings janë krijesa që fansat e Youtube do ti njohin nga prezenca e tye në lojëra të tjera. Në këtë lojë, ju do të merrni pjesë në beteja turn-based. Do ju duhet të dini se si mund të merrni avantazh nga aftësitë e çdo krijese, për të kapërcyer sfidat që ju vihen përpara.
Diçka e rëndësishme për PewDiePie’s Pixelings është fakti se është një lojë me komponentë multiplayer. Kjo nënkupton se Pixeling-ët tuaj do të mund të ndeshet kundër lojtarëve të tjerë nga vende të ndryshme të botës në një mode kompetitiv PvP.
Siç PewDiePie e tha dhe në videon e tij, të gjitha animimet e Pixelings janë të bëra me dorë. Për këtë arsye projekti ka një pamje vizuale si lojërat e 32-bit.