Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PewDiePie është mbreti i padiskutueshëm i YouTube me mbi 102 milion subscribers, që janë gjithmonë në rritje. Gjithsesi, fillimet e tij ishin mjaft modeste. YouTuber-i me origjinë nga Suedia fillimisht ishte në universitet për të studiuar ekonominë, përpara se të niste karrierën e tij në internet.
Suedezi ka qenë shpesh i hapur me fansat për të shkuarën e tij, duke detajuar nëpër intervista se si më parë ka punuar në një stendë hot dog-esh për të paguar faturat, në fillimet e kanalit të tij të YouTube. PewDiePie ka thënë se një herë aplikoi për punë te Mojang, zhvilluesi i Minecraft.
Gjithsesi, gjatë videos së tij të fundit, Felix zbuloi se çfarë do të bënte nëse karriera e tij e YouTube nuk do të kishte ecur mirë. E gjithë kjo erdhi bashkë me një kritikë për sjelljen që demonstrojnë në kohët e sotme anëtarët e Gen Z.
YouTuber-i i tha audiencës së tij se përpara se ta fillonte karrierën e tij të YouTube, e kuptoi se nuk donte të vazhdonte më me edukimin e tij në universitet. “Unë po studioja në shkollë, kisha një diplomë të mirë, kisha një të ardhme të mirë, por nuk më pëlqente. Nuk ishte për mua.”
Suedezi shpjegoi më tej se që të mund ta bënte këtë, atij i duhej të merrte përgjegjësi për vendimin e tij: “Fillova punë dhe i bëra të dyja. Nëse pas një viti nuk do më kishti ecur me YouTube-in, thjesht do isha kthyer sërish në shkollë.”
Më pas ai e çoi temën te Zoomers, të cilët ai argumenton se varen shumë nga prindërit e tyre: “Këta fëmijë po varen shumë te prindërit e tyre dhe nuk e di se për çfarë arsyeje, por janë prindërit ata që po paguajnë!”
PewDiePie vazhdon të jetë në një nga vitet më të mira të jeteës së tij. E keni vetë parasysh ju, 100 milion subscribers, martesa me Marzia. Ylli i YouTube ju rikthye gaming në qerdhor, kur lançoi seritë e tij të famshme të videove me Minecraft.
Fansat pa dyshim që janë të lehtësuar që mbreti i YouTube vendosi të mos heqë dorë nga karriera e tij si YouTuber në fillimet e tij, pasi përndryshe nuk do të kishim Pewd-in që njohim dhe duam sot.
