Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbreti i YouTube, Felix ‘PewDiePie’ Kjellberg, ka zbuluar se ka patur disa raste përgjatë viteve ku ka konsideruar të fshinte adresën e tij të YouTube, pavarësisht se ishte një nga më të ndjekurat e platformës.
Ylli suedez nuk ka qenë imun ndaj kontraditave që kanë lindur me kalimin e viteve në luftën e tij për të kapur 100 milion subcribers në kanalin e tij. Që nga gara e tij me T-Series deri në akuzat që po mbështeste ideologji neo-Naziste dhe nacionalizëm.
Sipas PewDiePie, këto kontradita ose “oopsies” siç preferon ai ti quajë, e kanë përballur shpesh me një vendim të madh, të braktisë ose jo YouTube. Në një intervistë që është mbajtur së fundmi, Kjellberg zbuloi faktin se në disa pika ka qenë afër mbylljes së kanalit të tij të YouTube dhe thjesht të vazhdonte jetën e tij në relaks me Marzia. Ai gjithashtu ndau opinionet e tij mbi ato momente që e kanë ekspozuar shumë emrin e tij në botën e medias.
“Mos më tundoni,” tha ai tesa pranoi që shpesh i mendon të dyja anët e kësaj ideje.“Gjithmonë nxjerr në pah aspektet pozitive dhe negative. Çfarë po bëj tani është më shumë nga ajo që kisha menduar kur e nisa.”
PewDiePie ka mbajtur titullin si YouTuber-i me numrin më të madh të subscribers për gjashtë vite, përpara se T-Series ta rrëzonte nga froni më herët gjatë këtij viti. Gjithsesi fakti që ra në vend të dytë nuk e bezdisi Kjellberg, në fakt ai shprehet se kujton ditët kur kishte më pak fansa dhe thotë se e ka marrë malli për to.
Me këtë sukses ai është bërë një figurë drejtuese për shumë fansa që e ndjekin. Ylli suedez tha se ju desh shumë kohë që të përballej me këtë fakt dhe se në fillim tentoi ta injoronte.
“Puna ime është të shkoj në zyrë dhe të regjistroj një video përpara kamerës. Është e çuditshme për mua që të jem në këtë pozicion, sepse kurrë nuk e kërkova.” Tha PewDiePie.
Sipas Kjellberg, momenti kur e kuptoi se ishte kthyer më shumë se thjesht një tip përpara kamerës, ishte kur ndodhën të shtënat në Zelandën e Re, ku personi që po qëllonte deklaroi “Subscribe to PewDiePie” përpara se të fillonte.
Kjo ndodhi pati shumë ndikim te YouTuber-i. Një pjesë të mirë të videove të tij të dikurshme i la pas dhe u rikthye duke luajtur lojën klasike të Mojang, Minecraft. Ai ju tha fansave që të mos e përdornin më thirrjen “subscribe to PewDiePie” dhe dhuroi $50,000 për Anti-Defamation League. “Më në fund jam përballur me përgjegjësitë që kam,” tha ai.
Gjithsesi mos u shqetësoni, pasi PewDiePie nuk ka ndërmend ta mbyllë kanalin e tij të YouTube së shpejti. Me videot e tij të Minecraft që po ecin më mirë se kurrë, duket se suedezi ende nuk do të iki gjëkundi.
