Të fluturosh (në Minecraft) është fantastike apo jo.
Të fluturosh (në Minecraft) është fantastike apo jo.
PewDiePie është kthyer nga muaji i tij i mjaltit dhe është futur sërish në rutinën e tij të të luajturit Minecraft, duke zbuluar gjithmonë e më shumë mënyra për tu argëtuar.
PewDiePie e filloi Minecraft si pjesë të rubrikës së tij “Gaming Week“, por në një farë mënyre kjo mori një llojë tatëpjete për kanalin e tij dhe sot jemi në pikën ku miliona shikues thjesht presin për videon e tij të rradhës.
Sigurisht që PewDiePie nuk ka zhgënjyer askënd dhe edhe pse e ka mundur Ender Dragon gjatë lojës së tij, ai i ka premtuar fansave se nuk ka mbaruar punë me Minecraft.
Në videon e tij të fundit ai zbuloi diçka që më parë nuk ishte e mundur në Minecraft. Ai mësoi se si të fluturonte duke përdorur Elytra dhe sipas tij, kjo gjë e bën lojën më të mirë. Elytra erdhi në Minecraft në versionin 1.9 në 2016, por si duket kjo ishte hera e parë që PewDiePie e zbuloi.
“Kjo është fantastike!” Tha ai. “Kjo është dita më e bukur e jetës time. Shikoni pak Meatball! Woohoo.” Më mirë vonë se kurrë i thonë kësaj.
Ende nuk i dihet edhe sa do të vazhdojë të merret YouTuber-i me Minceraft, por një gjë është e sigurt. Ai po kënaqet pafund duke e luajtur dhe në të njejtën kohë është literalisht në momentet më të mira të jetës së tij.
PewDie është tashmë një çun i martuar që ka mbi 100 milion subscribers në YouTube dhe që sapo mësoi se Minecraft është plot surpriza të bukura. Ça do më shumë robi nga jeta.