Në episodin e tij të fundit të Meme Review, që praktikisht merret me të gjitha memet e fundit dhe me historitë më të çuditshme të tyre, YouTuber-i Suedez, Felix “PewDiePie” Kjellberg foli për Area 51. Pikërisht meme-in që lindi nga një event i Facebook, ku deklarohej se njerëzit do të niseshin për të sulmuar Area 51.
Tani për të sqaruar pak një pjesë prej jush që mund të mos e dinë kuptimin e memes, le të flasim pak për Area 51. Area 51 është një emërtim i përdorur për një forcë ajrore Amerikane shumë të klasifikuar në Nevada. Asnjë detaj ose informacion rreth aktivitetit të kryer në këtë zonë nuk dihet nga publiku dhe sigurisht që asnjë person nuk lejohet të hyjë. Personi i fundit që tentoi të hynte u vra në moment nga forcat e sigurisë.
Okay, tani që kjo është sqaruar mund të vazhdojmë dhe të kuptojmë komiken që ndodhet në këtë situatë. Shumë meme po qarkullojnë për momentin me njerëz që thonë se do të pushtojnë Area 51. Sigurisht që e gjitha kjo është një ide absurde që trajtohet në mënyrë të tillë vetëm për humor, por ndonjëherë nuk mund ta dallojmë nëse realisht njerëzit janë duke bërë shaka apo jo.
Në kohën që PewDiePie publikoi videon e tij, eventi i Facebook kishte arritur 841,000 njerëz që thonin se do të shkonin dhe me qindra mijëra të tjerë që ishin të interesuar. Në momentin që po shkruhet artikulli ka 1.5 milionë njerëz që thonë se do të shkojnë.
“Kjo është çmenduri. Të sulmosh Area 51. Edhe pse në fakt bën shumë kuptim. Nëse një milion njerëz thjesht shkojnë aty, çfarë mund të bëjnë ata?” Është shprehur YouTuber-i.
Në përshkrimin e eventit, që me shumë mundësi e keni parë me qindra herë deri tani është ideuar edhe strategjia hyrëse për në bazë. Nëse njerëzit vrapojnë si Naruto, do të mund ti shpëtojnë plumbave.
“Dmth, nuk mund të argumentoj me këto fakte” Tha PewDiePie rreth planit. “Jam realisht i mahnitur.”
Pra, a do të shkojnë vërtetë kaq shumë njerëz për të sulmuar Area 51? Është e vdekur që jo, ose përndryshe i bie të jenë ata të vdekur pastaj. Gjithsesi argumenti i PewDiePie qëndron. Çfarë do të bëjnë ata nëse 1.5 milionë njerëz shfaqen në 20 shtator për të sulmuar bazën ajrore?
Nuk dua të jem negative në këtë pikë, por mendoj se në të tilla raste është gjithmonë një grup i caktuar njerëzish që i marrin seriozisht të tilla batuta dhe përfundojnë duke u nisur si të bukur para Area 51 pastaj. Në parashikimet e mia, kjo është e vetmja kategori që ka gjasa të vogla të shfaqet aty në 20 shtator.
Pjesa më e bukur këtu sigurisht që janë memet. Loti nuk ka fund miq dhe fakti që deri në 20 shtator do të ketë akoma interes rreth këtij eventi më bën të mendoj se memet do të bëhen gjithmonë e më të mira.
Mund të shikoni dhe videon e PewDiePie më poshtë ku tregohen disa nga memet, por gjithashtu mos harroni se më të bukurat janë ato të adminave tanë.