Kosova ka qenë e pavarur që në 2008
Kosova ka qenë e pavarur që në 2008
Beteja e iOS vs Android ka vazhduar prej vitesh, por duket se në këtë rast Apple ka bërë një gafë. Siç mund ta keni parë deri më tani, është nisur një peticion për të futur Kosovën në Apple Maps.
Kosova, një shtet i pavarur që në 2008, momentalisht nuk paraqitet në Apple Maps. Më saktë kufiri i saj nuk duket. Pjesa më e keqe e gjithë kësaj është që i gjithë territori i saj tregohet si pjesë e Serbisë, që për shumë arsye historike dhe faktuale është e gabuar.
Fatmirësisht nisma për të marrë masa ka filluar dhe të gjithë ju duhet të kontribuoni. Peticioni quhet “Put Kosovo on Apple Maps” dhe në momentin që po shkruajmë rreth 73,000 veta e kanë firmosur. Klikoni linkun këtu për të vendosur edhe ju emailin tuaj në këtë peticion, kjo gjithmonë në rast se nuk e keni bërë deri tani.
Peticioni lexon: “Është shumë shqetësuese që Kosova nuk tregohet në Apple Maps. Zor se mund të dallosh kufirin e saj dhe pjesa më e keqe është që tregohet si pjesë e Serbisë. Kjo gjë duhet të ndryshojë menjëherë, pasi Kosova ka qenë një shtet i pavarur që prej 2008.”
Serbia nuk e ka njohur pavarësinë e Kosovës, por konflikti mes këtyre dy vendeve është një diskutim për herë tjetër. Për tani e rëndësishme është, që ta shpërndajmë sa më shumë si peticion, ndaj dërgojani edhe ju njerëzve të tjerë që njihni.