Peter Dinklage, i cili portretizon Tyrion Lannister në Game of Thrones, ka ndarë mendimet e tij për shfaqjen prequel të HBO, House of the Dragon, e cila do të dalë këtë vit. Gjat një interviste Dinklage tha se është i emocionuar të shikojë House of the Dragon si një fans që nuk e di se çfarë do të ndodhë.
Dinklage foli gjithashtu për skenat të cilat hasen në disa spinoffs. Për të shmangur mendimin se House of the Dragon cilësohet si humbje parash, një shfaqje e tillë duhet të qëndrojë më vete, tha Dinklage. “Unë mendoj se truku nuk është të përpiqesh të rikrijosh Thrones,” tha ai. “Nëse përpiqesh ta rikrijosh, kjo duket si një humbje parash. Me shumë vazhdime, arsyeja për to është se i pari bëri shumë para, prandaj nuk janë aq të fortë. Por unë jam i emocionuar për të parë House of the Dragon, thjesht si shikues, duke mos ditur se çfarë do të ndodhë më pas.”
Dinklage gjithashtu diskutoi shkurtimisht fundin e Game of Thrones, i cili u kritikua nga një pjesë e audiencës. Dinklage vuri re se skena vrastare e Daenerys nuk ishte në të vërtetë jashtë mundësive.
“Njerëzit thjesht ishin të çmendur sepse askush nuk donte që të përfundonte,” tha Dinklage. “Unë e di që shumë njerëz supozohet se ishin të befasuar nga fundi, por nëse i kushtonit vëmendje, të dhënat ishin aty. Ne ju thamë që të mos e quani qenin tuaj Khaleesi.”
House of the Dragon është planifikuar të ketë premierë në HBO këtë vit, megjithëse një datë specifike e publikimit nuk është shpallur ende. Para kësaj, George R.R. Martin komentoi për House of the Dragon, duke thënë se ai pa një prerje të përafërt të episodit të parë dhe doli shumë i impresionuar. “Është e fuqishme, është intime ashtu siç më e shoh në fantazin time epike,” tha ai.
I vendosur qindra vjet përpara Game of Thrones, House of the Dragon ndjek dramën që përfshin House Targaryen. “Ndërsa Mbreti Viserys arrin fundin e mbretërimit të tij, një betejë brutale për trashëgim fillon midis vajzës së tij të dashur, Princeshës Rhaenyra Targaryen dhe gruas së tij të dytë, Mbretëreshës Alicent Hightower , e cila dëshiron fron për djemtë e saj”, thuhet në një rresht nga përshkrimi i emisionit. Në serial luajnë edhe aktori i Doctor Who’s, Matt Smith dhe Harry Potter, Rhys Ifans.