Rivali i FIFA 20 ndryshon emrin dhe sjell ndryshime në Master League
Rivali i FIFA 20 ndryshon emrin dhe sjell ndryshime në Master League
Në konferencën e tyre në E3 2019, Konami prezantoi PES 2020, e cila do të vijë në PS4, Xbox One dhe PC në 10 shtator. Më poshtë mund të shihni trailer-in e lojës:
Gjëja e parë që mund të shohim është se Messi është sërish në cover-in e lojës, gjë që padyshim do t’i zhgënjejë fansat e FIFA 20. Lojtarët po prisnin të shihnin Camp Nou të rikthehet në FIFA, por kjo gjë duket se nuk do të ndodhë për të katërtin vit rradhazi. Barca ka zgjedhur sërish si partner PES.
Gjëja e dytë është se emri i Pro Evolution ka evoluar si një shenjë drejt popullaritetit të esports. Emri i plotë këtë vit është eFootball PES 2020.
Ndryshimet në gameplay si finesse dribble dhe contextual passing mund të shihen në aksion në trailer, por nuk është e vetmja gjë në fushë që ka ndryshuar në PES 2020. Ndryshimet vjetore të Master League vazhdojnë, pasi janë shtuar legjenda si Diego Armando Maragona dhe Johan Cruyff si menaxherë të mundshëm në lojë. Gjithashtu mund të krijoni dhe një personazh të ngjashëm me veten tuaj për këtë mode, i cili është përmirësuar dhe me një sistem të ri dialogu.
Ndërkohë që Leo Messi është në kutinë e lojës, një version i dytë vetëm dixhital i PES 2020 do të ketë Ronaldinho në të. Ende nuk dihet si kjo gjë do të ndikojë Ultimate Team në FIFA 20, ku ai ka qënë një prej ikonave më popullore vitet e fundit.
Gjithashtu interesant është fakti se Andres Iniesta është bërë pjesë e lojës si në jetën e vërtetë për të ndihmuar me gameplay, ashtu edhe në lojë si një bonus për MyClub. Një ide mjaft interesante nga e cila FIFA mund të mësojë diçka.