Përditësimi i ri i Galaxy Buds sjell veçori nga Galaxy Buds+

Samsung Electronics Co, Ltd lançon veçoritë e reja për lidhjen në Galaxy Buds përmes përditësimit të softuerit, në dispozicion sot. Veçoritë që më parë ishin të disponueshme në Galaxy Buds+ po zgjerohen për të lejuar përdoruesit e Galaxy Buds të gëzojnë lidhje të plotë wireless dhe muzikën e tyre të preferuar më lehtë se kurrë.
Në detaje, veçoritë e reja të lidhjes që do të përmirësojnë përvojën e përdoruesit të Buds:
Lidhje e shpejtë me Galaxy Buds nga PC
Me modalitetin Microsoft Swift Pair, Galaxy Buds lidhen lehtësisht me një kompjuter që ka Windows 10. Kështu, cilësia inovative e tingullit të Galaxy Buds mund të përdoret për qëllime profesionale, të tilla si telekonferenca ose dëgjimi i muzikës gjatë punës. Me shtimin e Swift Pair compatibility, Galaxy Buds, njësoj si Galaxy Buds+, tani mund të mbështesin sinkronizimin me pajisjet mobile dhe kompjuterët, duke siguruar lidhje të lehtë teksa e ndërroni midis pajisjeve.
Koordinimi ose izolimi nga zona rrethuese
Me këtë përditësim dhe për herë të parë në Galaxy Buds, përdoruesit mund të shijojnë Ambient Sound thjesht dhe shpejt. Thjesht duke aktivizuar Buds, përdoruesit mund të qëndrojnë në dijeni të zhrumave që i rrethojnë, edhe kur shikojnë një film ose dëgjojnë muzikë. Përveç kësaj, Ambient Sound është në dispozicion edhe me një kufje, duke dhënë më shumë mundësi për akordim ose izolim nga zona përreth.
Dëgjimi i menjëhershëm i playlist-ave tuaj me Prolonged Touch
Përdoruesit e Spotify mund të dëgjojnë muzikë në Galaxy Buds me një prekje të vetme. Përmes prekjes së zgjatur (Tap & Hold), Spotify fillon dhe vazhdon të luajë muzikë. Me një tjetër "Tap & Hold", Spotify do të sugjerojë playlist-at e muzikës. Pra, ky përditësim i ri siguron që përdoruesit të shijojnë muzikën e tyre të preferuar në çdo kohë dhe kudo.