Pennywise, kllouni që ha fëmijë do të vijë në Fortnite

Shenjat e para të crossover-it me IT kanë filluar të shfaqen në lojë.

Kllouni i preferuar i të gjithëve, Pennywise do të vijë në Fortnite. Është e sigurt në këtë pikë. Pas shumë leaks që kishin sugjeruar një bashkëpunim mes lojës dhe filmit horror, sot u shfaq një tullumbac i kuq në lojë, një provë mëse e mjaftueshme për këtë crossover.

Leak-u i parë për këtë bashkëpunim erdhi pas update v10.20. Këtu një dataminer zbuloi tullumbacen e Pennywise të koduar me emrin “CreepyBalloon” së bashku me një klip audioje që ngjasonte shumë me kllounin vrastar.

Tani, kaq pranë ardhjes së filmit në kinema lojtarët kanë filluar ti gjejnë këto tullumbace në lojë. E para u gjet në Pleasent Park. Nëse e çponi tullumbacin do të dëgjoni të qeshurën e Pennywise. Lezetshëm apo jo?

Për të parë më shumë nga ky bashkëpunim nuk do ju duhet të prisni edhe shumë. Kur Fortnite bëri bashkëpunimin me Stranger Things, e gjitha u përdor për të bërë pak promocion sezonin e tretë të shfaqes që erdhi në 4 korrik. Në të njejtën ditë u njoftua edhe crossoveri për lojtarët e Fortnite.

Duke qenë se It Chapter 2 ka premierën botërore në datë 6 shtator, mund të prisni që rreth kësaj periudhe të shikoni më shumë gjëra të lidhura me kllounin terrorizues në lojë.

Do të hamendësojmë se përmes këtij bashkëpunimi do t mund të blini skine të reja në dyqanin e lojës dhe duke gjykuar nga vibe që loja ka marrë në Season X, pse jo edhe pika të caktuara të hartës të përshtatura me tematikën e It.

Është e vërtetë se kemi të bëjmë me një film horror dhe se Fortnite është një lojë që luhet shumë edhe nga fëmijët, por ky është brezi i internetit, ndaj do të themi që kllounët që hanë fëmijë nuk kanë më të njejtin efekt frikësues siç kishin në 1990.