Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një nga gjërat që lojtarët kapin shpejt kur luajnë Call of Duty: Modern Warfare është se loja lidhet e gjitha me vendimet e sekondës së fundit dhe me reagimet e shpejta. Në një lojë ku një kill mund të bëjë diferencën, koha që duhet për të reaguar është shumë e rëndësishme. Fatkeqësisht, disa lojtarë po përjetojnë probleme me këtë sektor.
Një nga risitë më të mëdha që erdhi në seritë e lojës Call of Duty me Modern Warfare ishte cross-platform play, që i lejonte lojtarët e PC të konkuronin kundër atyre që luanin në konsola. Për çështje optimizimi dhe për ta mbajtur lojën e drejtë, ka diferenca të vogla mes dy versioneve, të dizenjuara për ti sjellë lojtarëve të njejtin nivel të performancës, pavarësisht platformës ku ata po luajnë. Tani duket se një prej këtyre diferencimeve ka shkuar më larg se ç’duhet.
Në një testim të kryer nga përdoruesi i Reddit u/J3RRY__, i cili mund të kapte prova videoje në zbulimin e tij, u krahasua shpejtësia që i duhet një lojtari për tu kthyer pasi ndikimit nga një stun grenade, kur përdorte controller dhe kur përdorte mouse dhe keyboard. Testimi tregoi se controlleri e lejonte lojtarin të kthehej dyfish më shpejt se mouse-i. Në një lojë ku glitchi më i vogël sjell ankesa, ky problem ka tërhequr shumë vëmendjen e lojtarëve.
Një nga pengesat kryesore të lojtarëve të PC, nuk është mospërputhja me shpejtësinë, por reagimi, ose më saktë mungesa e tij, nga Infinity Ward. Call of Duty: Modern Warfare nuk mund të quhet tamam një lojë pa probleme. Ankesa për shpejtësinë e kthesës ka qëndruar prej muajsh tashmë dhe asnjë përgjigje nuk është dhënë nga zhvilluesit, duke i lënë lojtarët të pyesin veten se përse Infinity Ward është treguar kaq i qetë për një problem që është i hapur në të gjithë bazën e lojës.
Siç u përmend edhe më sipër, shpejtësia është zemra e Call of Duty: Modern Warfare dhe çdo gjë që e pengon këtë sjell reagime ekstreme nga të gjithë lojtarët. Diçka që sjell disavantazh të dukshëm, bazuar në një paisje periferike që një lojtar mund ose mund të mos ketë do të përhapë pakënaqësi te lojtarët. Le të shpresojmë që zhvilluesit do të reagojnë sa më shpejt të jetë e mundur për këtë problem.
