PayPal do të fillojë përdorimin e cryptocurrencies

Do të lejohen transaksionet brenda network-ut.

Përdoruesit e PayPal mund të paguajnë nga balanca e tyre bankare, të lidhin llogaritë e tyre bankare ose të bëjnë pagesa përmes kartave të kreditit.  Të tilla gjëra priten nga një shërbim i tillë, por Pay Pal do që t’ju përgatisë edhe për të ardhmen ku cryptocurrencies do të jenë standarti i ri.

Kompania njoftoi se do i lejojë klientët e saj të shesin dhe të zotërojnë cryptocurrencies si Bitcoin. Në këtë mënyrë, përdoruesi i PayPal do të mund të përdorë cryptocurrencies për të paguar mbi 26 milionë merchants që përdorin PayPal.

“Ne punojmë me banka qendrore dhe mendojmë për të gjitha format e monedhës dixhitale, në të cilën PayPal mund të luaj një rol,” shprehet presidenti i PayPal, Dan Schulman.

Në javët e ardhshme, veçoria e re do të jetë e disponueshme për përdoruesit e SHBA dhe më pas do të zgjerohet edhe në vende të tjera, brenda gjysmës së parë të 2021. PayPal ka 346 milionë llogari aktive në mbarë botën dhe fitoi $222 miliardë me transaksione në Q2 këtë vit.

Gjithashtu ruani në mendje se PayPal ka qenë një anëtar themelues në Libra, projekti cryptocurrency i Facebook në 2019.