Netflix së fundmi ka patur goxha probleme duke nisur që nga pagesat shtesë për shpërndarjen e password dhe deri tek numri i abonuesve në rënie. Kjo bëri që shumë prej serive dhe filmave të animuar të pezulloheshin. Por e njëjta gjë nuk ka ndodhur me Arcane sipas një informacioni të ri që kemi.
Sipas një raporti nga Dexerto, zhvilluesit e lojës League of Legends, Riot Games, ka konfirmuar se Arcane është në zhvillim të plotë në bashkëpunim me studion e animimit Frotiche dhe se nuk është i ndikuar nga vendimet ose problemet e Netflix.
Netflix pësoi një rënie të madhe në treg pas humbjes së madhe të abonuesve të saj duke bërë që kompania të humbë rreth 54 miliardë dollarë. Kjo gjë bëri që Netflix të mbyllë departamentin e animacionit duke lënë të pezulluar shumë seri dhe filma të animuar.
Fatmirësisht Arcane nuk u ndikua nga ky vendim dhe fansat e serisë mund të flenë natën të sigurt që Season 2 i serisë do të vijë së shpejti. Aracane pati një reagim goxha pozitiv nga shikuesit me një vlerësim prej 96% në Metacritic dhe 100% në Rotten Tomatoes. Season 2 pritet që të vazhdojë historinë e Season 1 të Arcane.