Call of Duty i këtij viti ende nuk është njoftuar, por disa njerëz kanë filluar ta luajnë. Disa atletë amerikanë kanë postuar imazhe të tyret nëpër rrjete sociale teksa janë duke e luajtur lojën e këtij viti.
Riley Ridley, Tajae Sharpe dhe N’Keal Harry janë ata që kanë postuar foto të vetes së tyre duke luajtur lojën e re e një eventi në dukje zyrtar.
Activision ende i mbetet ta njoftojë zyrtarisht lojën e re të këtij viti. Tradita e ka që çdo lojë e re e serive njoftohet në maj, para se ajo të lançohet konkretisht, ndaj mund të jemi shumë pranë zbulimit të misterit.
Dimë se zhvilluesi i Call of Duty: Infinite Warfare, Infinity Ward po punon me shooter-in e ardhshëm. Infinity Ward ka qenë gjithashtu krijuesi pas serive Modern Warfare si edhe Call of Duty: Ghosts. Qarkullojnë fjalë se loja e këtij viti do të jetë Modern Warfare 4, por këto ende nuk janë të konfirmuara. Gjithsesi nuk do të presim shumë për ta zbuluar.