Është e vështirë të përfytyrosh serinë e filmave të X-Men pa Patrick Stewart në karrigen e Proffesor X, por si duket aktorit i është dashur shumë bindje përpara se t’i thoshte po rolit.
Në një intervistë me rastin e 20 vjetorit të filmit origjinal të X-Men, skenaristi Davin Hayter tha se aktori fillimisht e refuzoi rolin. “Na u desh shumë kohë që ta bindnim,” tha ai.
Nëse nuk do të kishin bindur Stewart, do të mund të shikonim disa fytyra shumë të ndryshme në përzgjedhjen e aktorëve. Kjo solli edhe refuzimin e emrave si Michael Jackson dhe Mariah Carey.
“Çdo ditë habitesha nga fytyrat që vinin për audicion,” tha Hayter. “Michal Jackson ishte një fans i madh i comics dhe donte të luante Charles Xavier. Shaquille O’Neal gjithashtu erdhi te zyrat sepse donte të luante Forge, që as nuk ishte pjesë e filmit.”
Hayter dhe drejtori BryanSinger fluturuan deri në Vancouver dhe i ofruan rolin e Jean Grey Charlize Theron. Theron e refuzoi dhe kasti përfundimtar konsistoi në: Patrick Stewart, Ian McKellen, Hugh Jackman, Halle Berry, Famke Janssen dhe James Marsden.
Stewart foli së fundmi vetë në një tjetër intervistë dhe u pyet nëse do të ishte gati ta merrte sërish përsipër rolin e tij në MCU: “Nëse nuk do të kishim bërë Logan, atëherë po, ndoshta do të isha ulur edhe një herë në atë karrige për të qenë Charles Xavier. Por Logan e ndryshoi të gjithë këtë.”
Sado që ende nuk është konfirmuar se si ose nëse mutantët do të futen sërish në MCU, kemi ende The New Mutants që do të vijnë këtë gusht.