Path of Exile lançohet në PS4 dhe është free-to-play

Fansat e Diablo II të bëhen gati.

Grinding Gear Games më në fund ka lançuar Path of Exile për PS4. Path of Exile është një lojë aksion role-playing e ngjashme me seritë e lojës Diablo. Gjithsesi e bukura në këtë rast është që loja është falas për tu luajtur.

Loja është mekanikisht më e ngjashme me Diablo II, fakt ky që e ndihmoi të fitonte pak audiencë pas mërzitjes së fansave nga ndryshimet e bëra në Diablo III. Versioni PC i lojës u lançua në 2013 dhe një tjetër version i saj u pasua në 2017 për Xbox One.

Grinding Gear e mban lojën aktive me update të njëpasnjëshme, përfshirë këtu edhe expansions falas. Synthesis, që u lançua pak më herët këtë muaj është e para e 2019s. Gjithashtu ka edhe theksim të madh mbi ‘grind’, gjë kjo që do i bëjë fansat e RPG shumë të lumtur. Më e bukura fare pastaj, është që progresi i lojës nuk ndikohet nga microtransactions, por vetëm nga cosmetics.

Ne ju këshillojmë që nëse nuk e keni luajtur më parë ti jepni një shans.