Path of Exile 2 do të ketë një fazë beta në fund të 2020

Konfirmohet zyrtarisht Path of Exile 2

Path of Exile 2 është tashmë zyrtare. Update i madh që pritej të quhej Path of Exile 4.0 tani do të jetë një lojë tërësisht e re që do të sjellë shumë gjëra të reja: një campaign tërësisht të ri, shumë armë dhe armatura të reja, klasa të reja si dhe një sistem të ri për skill gems. Lançimi i lojës është ende shumë larg, por zhvilluesi Grinding Gear Games ka zbuluar që tani disa detaje.

Campagin-i i ri me shtatë akte zhvillohet 20 vite pas vdekjes së Kitava dhe do të mund të luhet së bashku me campaign-in e PoE1, me të dyja historitë që do të jenë njësoj në endgame. PoE2 do të ketë çdo gjë që është shtuar në expansion-et e lojës gjatë viteve, ndërkohë që do të përmirësojë engine si dhe do të ketë shumë veçori të reja.

Seti i ri i Exiles do të ketë ketë 19 Ascendancy Classes tërësisht të reja dhe të ndryshme nga ato në campaign-in e PoE1. Gjithashtu sistemi i aftësive do të ndryshohet, duke ju dhënë mundësinë të vendosni support gems menjëherë në skill gems, duke e bërë më të lehtë ndërtimin e personazhit tuaj.

Natyrisht që do të ketë shumë pajisje të reja dhe zhvilluesit thonë në faqen zyrtare se i tërë progresioni i armaturave dhe armëve është ndryshuar nga fillimi deri në fund, ndërkohë që blerjet tuaja në lojë ende do të qëndrojnë.

Më poshtë mund të ndiqni trailer-in e historisë si dhe 14 minuta gameplay.