Vazhdimi i serisë së dytë të lojës, nuk do e ngadalësojë të parën.
Vazhdimi i serisë së dytë të lojës, nuk do e ngadalësojë të parën.
Path of Exile do të vazhdojë të rritet në 2020, pavarësisht njoftimit të vitit të shkuar për një vazhdim të lojës. Kjo është konfirmuar nga studioja Grinding Gear Games. Sado që informacioni momentalisht është i pakët, një postim i ri në blog siguron lojtarët se ARPG free-to-play do të marrë katër expansions të reja këtë vit, me periudhat e përvitshme tre-mujore.
Expansion-i i parë, 3.10.0 me shumë mundësi do të detajohet nga fundi i muajit të ardhshëm, me raportime nga viti i shkuar, që kanë sugjeruar se do të vijë në mars. Pas 3.10.0, më vonë gjatë vitit do të vijnë 3.11.0, 3.12.0 dhe 3.13.0.
Sa për Path of Exile 2, e njohur më parë si update 4.0.0, mund të prisni për më shumë informacion rreth saj nga mesi i vitit. Studioja shprehet: “Zhvillimi në 4.0.0 vazhdon. Skuadra është duke punuar fort me të dhe pjesën e saj që nuk është treguar në ExileCon Act One Demo. Parashikojmë që nga mesi i vitit të zbulojmë më shumë informacione dhe përmbajtje për të. Ndoshta në E3? Do ju njoftojmë pasi të kemi një plan konkret.”