Pamja e PlayStation 5 mund të jetë zbuluar, teksa një patentë e re nga ana e Sony ka zbuluar dizajnin e plotë të konsolës së ardhshme.
Patenta e re përfshinte 10 imazhe të detajuara të devkit-it, duke e zbërthyer çdo komponent nga këndvështrime të ndryshme. Në pamjen nga lart vërehet një dizajn në formë V-je.
Si një version i konsolës që është ekskluziv për zhvilluesit dhe jo për publikun e përgjithshëm, kjo paraqitje mund të mos jetë finale. Gjithsesi, një leak nga 4chan duket të konfirmojë se forma është finale dhe se versioni i konsumatorëve do të mbetet i ngjashëm.
PS5 shikohet nga ana e djathtë e faqes përballë dhe Sony nga ana e majtë. Në mes të tyre gjendet një vend për diskun. Logoja e PlayStation ndodhet sipër konsolës, në mes të konturit në formë V-je.
Dallimi i madh mes këtij dizajni dhe atij të devkit-it është reduktimi i freskuesve. Ato gjenden në një zgavër të vogël anash, në mënyrë të ngjashme me PS4, por nuk ka hapje nga sipër konsolës si versioni masiv i konsolës për zhvilluesit.
Kini parasysh që këtë leak mos ta merrni direkt për të mirëqenë. Vetëm koha do na e tregojë nëse ky do të jetë vërtetë dizajni final i konsolës. PS5 është ende e planifikuar për të ardhur në fundin e 2020s, ndaj pritja për të zbuluar se si ajo duket, nuk do të jetë shumë e gjatë.