Battlefield 5 ka patur një varietet të gjerë betash gjatë muajve të fundit dhe DICE shprehet se në lançimin final të lojës do mund të shohim mjaft ndryshime të bazuara në këshillimet e lojëtarëve. E thënë ndryshe aq ndryshime sa për të përmbushur 22,653 fjalë, pasi ky ishte numri ekzakt i totalit të fjalëve të përdorura në Patch Notes (shënimet mbi feedbackun e lojës).
Këto shënime do të na thonë me detaje se çfarë do të ndryshojë pas betës. DICE ka planifikuar që tani ndryshime të mëdha të lidhura me elementët kritikë të gameplay-it. Mendohet se këto ndryshime janë bërë rreth muajve gusht-tetor dhe me finalizimin e patch notes, problemet që mund të keni patur me betën me shumë mundësi janë të adresuara në to.
Data e lançimit të Battlefield 5 është 20 nëntor, por kjo është vetëm një nga tre datat e caktuara. Nëse keni blerë Deluxe Edition mund ta merrni në 15 nëntor dhe nëse jeni anëtarë të Origin Access mund ta luani në 9 nëntor. Përpara lançimit më të hershëm pritet të shohim listën e plotë të release notes.