Patch i fundit në Among Us rregullon bugs dhe exploits

Përpara lançimit të hartës së re, zhvilluesit e Among Us ka rregulluar disa probleme të lojës

Gjatë javës së kaluar zhvilluesit e Among Us, Innersloth, zbuloi në Twitter se një hartë e re do të vijë së shpejti. Këtë javë zhvilluesit e lojës kanë nxjerrë një update i cili balancon dhe që rregullon të gjitha problemet që loja ka patur duke filluar që prej bugs dhe deri tek exploits e ndryshëm.

Disa nga balancimet kanë ardhur në lojë tashmë dhe kanë lidhje me sabotimin e Comms. Tashmë sabotimi i Comms nuk do ta shfaqë më shigjetën e cila do t’iu tregojë se në cilin vend është detyra juaj e radhës. Gjithashtu edhe drita e kuqe tashmë nuk do të ndizet menjëherë në vendin e duhur. Kjo do të ndihmojë pak imposters pasi është parë që kohët e fundit që imposters nuk po “iu ecën mirë” loja.

Gjithashtu shumë probleme të tjera janë rregulluar. Problemet me kamerat, kryerja e detyrave nëpërmjet mureve në Polus, detyrën e engine dhe shumë të tjera janë rregulluar duke përmirësuar eksperiencën e lojtarëve në ketë lojë.

Among Us është nominuar për dy çmime tek The Game Awards (gjatë të cilës do të zbulohet harta e re) si Best Multiplayer dhe Best Mobile Game. Gjithashtu zhvilluesit kanë treguar përsëri synimet e tyre për të ardhmen ku përfshihen llogaritë, përkthimi i saktë i mesazheve dhe reklamat në pajisjet mobile. Për të mësuar më shumë rreth këtij patch klikoni këtu.