Patch 7.24 në Dota 2 sjell Void Spirit dhe Snapfire në Captain’s Mode

Ai do të sjellë gjithashtu dhe ndryshime për neutral items dhe duket se do të jetë një patch i madh për turnamentet e ardhshme

Valve vendosi se strategjia e tyre për të pritur të paktën një ditë pas një turnamenti të madh nuk po funksiononte dhe vendosi të lançonte Patch 7.24 të Dota 2 vetëm disa minuta pas fitores së Team Secret në DreamLeague Season 13 Major.

Pa patur nevojë të shohim buff-et dhe nerf-et, është e qartë se ky patch do të jetë shumë i rëndësishëm pasi shton dy heronjtë e rinj, Snapfire dhe Void Spirit në lojërat kompetitive.

Neutral items tashmë do të vijnë në lojë më herët dhe do të kenë një item slot të dedikuar. Shrines janë hequr tërësisht dhe Outposts janë tani në xhungël. Një tjetër ndryshim i madh është ardhja e Void Spirit dhe Snapfire në Captain’s Mode, duke e bërë të mundur zgjedhjen e tyre në turnamentet dhe lojërat kompetitive.

Ndër ndryshimet e tjera janë heqja e talenteve GPM, rritja e respawn time dhe kostos së buyback për heronjtë, si dhe një rework i Courier. Tashmë, këta nuk mund të vendosin më wards në level 15 dhe nuk mund të përdorin më items në level 25 si më parë, por ka gjithashtu edhe ndryshime të tjera për ta.

Për të parë ndryshimet në mënyrë më të detajuar, vizitoni website-in zyrtar të Dota 2.