Pas vonesave të sjella për datën e lançimit të patch 5.4 në Final Fantasy XIV, prej situatës së krijuar nga COVID-19, studioja ka konfirmuar lançimin e saj në datë 8 dhjetor. Pra keni më pak se dy javë për të pritur për ardhjen e gjërave të reja në lojën MMORPG.
Data e lançimit vjen përmes adresës së Final Fantasy 14 në Twitter, bashkë me një klip të ri që na tregon rreth tre minuta xhirime nga patch-i i ri. Klipi në fjalë ngre më shumë pyetje për aventurën e re se sa ju prgjigjet atyre, por prapëseprapë mbetet fantastik.
Gjithashtu dimë se ky update i ri do të sjellë edhe një raid të ri të quajtur Eden’s Promise. Kjo do të përmbajë linjën e historisë së Eden dhe të gjitha pikëpyetjet e ngritura nga historia e Gaia dhe Ryne.