Rework-u i Fiddlesticks më në fund ka ardhur në lojë
Rework-u i Fiddlesticks më në fund ka ardhur në lojë
Me zërat se një kampion i ri do të vijë në lojë (i cili mesa duket ishte thjesht një pinguin i lezetshëm i quajtur Pingu) dhe me lojtarët që po bëhen entuziastë për jungler-in e ardhshëm, Riot Games po progreson në Champion Roadmap-in e tyre duke lançuar tashmë versionin e ri të Fiddlesticks.
Gjithashtu, zhvilluesit duket se janë fokusuar dhe në pjesë të tjera të lojës jashtë Summoner’s Rift, duke sjellë ndryshime të cilat priten të përmirësojnë eksperiencën në One-For-All dhe ARAM.
Fillimisht, ndryshimi i parë dhe më i madh në këtë patch është padyshim rework-u i Fiddlesticks, i cili ka ndryshuar aftësitë, pamjen dhe emrin e tij, pasi ai tani quhet “The Ancient Fear“.
Përveç pamjes së tij tmerruese, aftësitë e reja të Fiddlesticks do i bëjnë lojtarët të mendojnë dy herë përpara se të futen në jungle pa wards. Do të jetë interesante të shohim se çfarë taktikash lojtarët do të zbulojnë për të zënë në kurth kundërshtarët.
Një tjetër ndryshim i rëndësishëm në këtë patch është nerf-i i Talon. Tani, W-ja e tij, Rake, bën më pak damage. Qëllimi i këtij nerf është që të ulet waveclear i Talon, gjë që bën që ai të ketë më pak kohë për të bërë roam në lojë.
Një tjetër ndryshim do të vijë në sistemin ranked të lojës, pasi Riot ka vendosur të ndryshojë mënyrën se si duo-t premade ndikojnë në matchmaking. Sipas Riot, tani të dyja ekipet në rastin optimal do të kenë një duo. Ky ndryshim do të fokusohet kryesisht në Ranked Solo/Duo, por kompania gjithashtu tha se do të sjellë ndryshime të ngjashme edhe në Ranked Flex dhe Normal.
Patch 10.7 është mjaft i madh, prandaj nëse doni t’i hidhni një sy ndryshimeve, mund të shihni patch notes të plota këtu.