Pas kërcënimeve nga lojtarët, Fortnite e ka hequr menjëherë nerfin e Turbo Building

Në më pak se 24 orë nerfi erdhi dhe iku nga loja

Kur vjen puna për vendimet që zhvilluesit marrin nëpër lojëra, gjërat zakonisht ecin shumë më mirë për të dyja palët nëse lojtarët ndjehen sikur opinioni i tyre ka eshë. Zhvilluesi i Fortnite Epic Games duket ta ketë kuptuar këtë fakt dhe ka vendosur që të kthejë pas një ndryshim kontradiktor që bëri me Turbo Building.

Së fundmi Fortnite mori dy nerfe të mëdha. I pari ishte për BRUTE mech, diçka që lojtarët kishin javë që e kërkonin dhe i dyti ishte për Turbo Builidng, një nerf që solli po të njejtat reagime si kur BRUTE u shfaqën për herë të parë në lojë.

Në thelb, nerfi i turbo building erdhi në formën rritjes së kohës nga .05 sekonda në .15 sekonda. Pra lojtarëve ju duhej më shumë kohë për të vendosur një strukturë tjetër.

Duke qenë se për një diferencë të tillë kohe bëhej dallimi mes të fituarit ose të humburit, lojtarët me shumë eksperiencë në Fortnite nuk ju pëlqeu si ndryshim. Ideja e Epic Games ishte që të barazonte pak territorin për lojtarët, që të mund ta bënte build-in më spontan, por e gjitha kjo ndryshoi brenda 24 orëve, pasi u bë mëse e qartë që kjo gjë spo i pëlqente askujt.

“Përshëndetje të gjithëve”, shkruajti Epic në faqen e tij sot, “ndryshimet që bëmë në vonimin e Turbo Build janë kthyer në gjendjen që ishin. Gjërat janë kthyer njëlloj siç ishin përpara ndryshimeve të djeshme.”

Shumë lojtarë të njohur kërcënuan se do të hiqnin dorë nga loja ose do të bojkotonin skinet dhe blerjet e lojës derisa ky nerf të hiqej. Reagimi i shpejtë i Epic tregon se sa peshë kishin këto zëra mbi zhvilluesit.

E gjithë kjo dramë mes lojtarëve të Fortnite dhe Epic Games, që ka dominuar çuditërisht shumë gjatë Season X, tregon se Epic është ende i gatshëm ti dëgjojë shqetësimet e komunitetit të tij. Është e vërtetë se nerfi s’duhej bërë fare që në fillim, por lojtarët ende duhet të jenë mirënjohës për kthimin e shpejtë të tij.

Fortnite është momentalisht e disponueshme në mobile, Nintendo Switch, PC, PlayStation 4 dhe Xbox One.