Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Shqetësimet e UK mbi loot boxes vazhdojnë
Loot boxes duket se mund të jenë drejt shfarosjes, sepse dita ditës zhvilluesit kuptojnë gjithmonë e më shumë se janë më rehat po të përdorin metoda të tjera më të drejta. Gjithsesi kjo nuk do të thotë se industria e gaming ka ndërmend ta harrojë fare problemin.
Nëse e mbani mend, Gambling Commission në Mbretërinë e Bashkuar ka shprehur shqetësimet e tij në të shkuarën mes raportit që ekziston mes gaming dhe kumarit. Ky shqetësim është risjellë sërish, këtë rradhë duke rekomanduar që PEGI (Pan European Game Information) ti klasifikojë lojërat që kanë loot boxes që blihen me para si kumar.
“Mekanikat e loot boxes janë kyçe për fitimet e disa kompanive të mëdha të lojërave. Ne sugjerojmë që në bashkëpunim me PEGI Council, Qeveria Britanike të etiketojë të gjitha lojërat që përfshijnë kumar dhe limitet korrespondente të moshës, në videolojëra që përmbajnë loot boxes që mund të blihen me para reale dhe e fshehin këtë fakt.”
Nga ky komitet u parashtrua një shqetësim edhe më i madh i vendosur në efektin që këto loot boxes mund të kenë mbi fëmijët. Ata rekomandojnë që lojërat me të tilla mekanika nuk duhet të shiten fare për fëmijë.
“Ne rekomandojmë që loot boxes që kanë brenda tyre elementin e probabilitetit të mos shiten për fëmijët dhe që progresi në lojë të merret përmes rewards që fitohen duke e luajtur lojën. Në mungesë të studimeve që vërtetojnë që ekspozimi i fëmijëve ndaj kumarit që ekziston në loot boxes nuk sjell dëme, besojmë se duhen aplikuar të tilla masa.”
Sigurisht që këto janë vetëm sugjerime. Në fund të ditës është Qeveria Britanike që vendos nëse do të marrë realisht masa ndaj këtij fenomeni apo jo. Gjithsesi nëse do të kemi ndonjë konfirmim do ju njoftojmë.
