Pa Ninja dhe Tfue shikueshmëria e Fortnite në Twitch është për të ardhur keq

Fortnite rrezikon të mos jetë më mbreti i Twitch.

Fillimisht me largimin e Ninja dhe tani edhe me ikjen e Tfue nga skena, kategoria e Fortnite në Twitch ka pësuar një rënie drastike në shikues. Numrat e Twitch tashmë ishin ndikuar nga kalimi i Ninja në Twitch, por me njoftimin e tij, Tfue e çoi situatën nga shiu në breshër.

Ylli i ri i Fortnite pati një rritje të shpejtë në Twitch. Kjo mund të lidhet me shumë gjëra, të fituarit e turnamenteve, sfida që hapi ndaj FaZe Clan dhe edhe të kaluarit e shroud si më i pari në platformë pas ikjes së Ninja. Pak pas kësaj arritjeje Tfue u sulmua për përdorimin e një shprehjeje raciste në stream dhe tani rreth 2 javë më vonë ai shprehet se nuk është fort i lumtur së fundmi.

Me Tfue që ka marrë një pauzë të papërcaktuar e ardhmja e Twitch ndodhet në një gjendje pak të turbullt për momentin. Kush do të jetë ylli i ardhshëm i streaming? A do të jetë ky momenti ku sundimi i Fortnite do të bjerë në Twitch?

Battle Royale i Epic ka shijuar shumë kohë të mira në platformë përgjatë viteve të fundit. Në 18 muajt e fundit shikueshmëria e Fortnite në Twitch ka qenë në një mesatare prej 100,000 deri në 200,000. Shikueshmëria e lojës këtë shtator gjithsesi është një nga shifrat më të këqia që loja ka parë ndonjëherë, duke rënë poshtë 90,000 javën që lamë pas.

Kur Ninja u largua në 1 gusht për në Mixer kategoria pësoi rënien e saj të parë. Me këtë pushim të papritur të Tfue, edhe më shumë njerëz janë larguar. Përdoruesit e Twitch kanë tendencën që ti pëlqejnë njerëzit që ndjekin. Pra shumë shikuesh e ndiqnin Fortnite posaçërisht për Tfue dhe tani që ai iku, interesi i ndjekësve u largua me të.

Nuk është e gjitha katastrofike gjithsesi. Fituesi i Fortnite World Cup, Bugha, ka patur një rrijte shpërthyese në Twitch pas eventit dhe fansat duket të jenë mjaft të dhënë pas kontentit të tij.

Se si do të vazhdojnë gjërat për Fortnite në Twitch, varet 100% nga rrethanat.