Overwatch do të jetë falas gjatë festave të fundvitit

Blizzard iu uron për festat e fundvitit duke iu ofruar Overwatch falas

Festat e fundvitit erdhën dhe shumë kompani nga industria e gaming po japin dhuratë diçka. Blizzard ka vendosur që gjatë këtyre festave të ofroj Overwatch falas për t’u luajtur dhe bashkë me të shumë gjëra të tjera.

Overwatch do të jetë falas dhe nëse keni patur dëshirën që ta blini, ju tashmë keni mundësinë që ta provoni para se ta merrni. Gjithashtu bashkë me mundësinë që ta luani Overwatch falas, ju do të keni mundësinë të përfitoni nga uljet që Blizzard po bën.

Ju mund të merrni Legendary Edition për gjysmën e çmimit e cila vjen me cosmetics të frymëzuara nga lojërat si World of Warcraft, DIablo 3, StarCraft 2, Heroes of the Storm. Nëse jeni të interesuar tek loja dhe jo tek skins atëherë përfitoni nga oferta e versionit standard i cili është me 25% ulje.

Momentalisht Overwatch po zhvillon eventin e përvitshëm të quajtur Winter Wonderland. Bashkë me shumëllojshmërinë e madhe të skins, në lojë është një limited-time game mode i quajtur Deck the Brawls. Ky mode i ndan skuadrat në dy ekipe me nga katër veta dhe njëri prej këtyre ekipeve duhet të ngrijë ekipin tjetër. Gjithashtu edhe limited-time modës nga vitet e kaluara janë rikthyer si Mei’s Snowball Offensive dhe Yeti Hunter.

Overwatch do të mund të luhet falas që prej ditës së sotshme dhe deri më datën 4 janar. Gjithashtu mos harroni t’i hidhni një sy uljeve që Blizzard ka sjellë për këto festa fundviti që variojnë që prej lojwrave si Call of Duty: Black Ops – Cold War, Diablo 3, Hearthstone dhe deri tek World of Warcraft ose produktet që loja ofron. Nëse doni të blini lojën tuaj të preferuar nga Blizzard, tani është koha e duhur për ta blerë atë.