Overwatch 2 do të sjelli shumë heronj të rinj

Blizzard nuk zbuloi detaje mbi heronjtë

Ende nuk dimë shumë për Overwatch 2 nga Blizzard, e cila pritet të shkrihet me Overwatch origjinal. Por, një prej drejtorëve të lojës tha se disa heronj të rinj të Overwatch do të vijnë në lojë kur Overwatch 2 të lançohet.

Drejtori Aron Keller i Overwatch 2 pati një intervistë kohët e fundit. Ai tha se Overwatch 2 ka si qëllim të krijojë një “eksperiencë historie” me anë të Hero Missions dhe duke treguar një histori me anë të mjedisit për të zbuluar botën e Overwatch.

“Jemi duke punuar për shumë heronj në Overwatch 2,” tha Keller. “Nuk mund të themi ekzaktësisht se kush janë ose se si do të jetë gameplay i tyre, por ata kanë si qëllim të përmbledhin botën e Overwatch dhe të sjellin në lojë mekanika që nuk janë parë ndonjëherë.”

Nuk e dimë ekzaktësisht se çfarë do të thotë “shumë” dhe Blizzard njihet për paqartësinë e informacionit përpara lançimit, por me shumë mundësi do të jenë rreth 4 ose 5 heronj të rinj që do të vijnë në lojë.

Na u dha mundësia të shihnim për herë të parë Overwatch 2 nga Blizzard kur loja u zbulua më herët në BlizzCon. Më poshtë keni një përmbledhje të gjithçkaje që mësuam. Nuk dihet ende se kur do të vijë Overwatch 2.