Blizzard do të zbulojë Overwatch 2 në BlizzCon
Blizzard do të zbulojë Overwatch 2 në BlizzCon
Overwatch 2 do të zbulohet në BlizzCon gjatë fundjavës së ardhshme sipas një raporti. Loja do të ketë mode të reja, harta si dhe elemente PvE. Lojtarët do të kenë mundësi ta provojnë Overwatch 2 për herë të parë në konferencën e përvitshme të Blizzard në Anaheim.
Sipas burimeve pranë Blizzard, këto detaje u gjetën në disa dokumenta që tregonin ardhjen e Overwatch 2. Një version i ri i logos së Overwatch do të ketë një “2” portokalli në anë të rrethit të njohur të Overwatch, ndërkohë që Lucio do të jetë një prej imazheve kryesore të lojës.
Dokumentat tregojnë se Overwatch 2 do të sjellë talente dhe consumables të reja për heronjtë në Overwatch dhe gjithashtu do të ketë dhe misione PvE. Një prej tyre është një mision me histori me katër lojtarë në Rio de Janeiro dhe burimet thonë se një pjesë e madhe e lojës do të ketë një histori.
Një tjetër veçori e re që pritet të vijë në Overwatch 2 është një mode i ri i quajtur Push, që sipas dokumentave do të ketë një hartë të bazuar në Toronto.
Ky vit i kaluar ka qënë shumë i vështirë për Blizzard, duke marrë parasysh problemet që prej zbulimit të Diablo Immortal vjet e deri tek polemikat pas ban-it të Blitzchung në Hearthstone.