As Diablo 4 dhe as Overwatch 2 nuk do të lançohen këtë vit. Kompania mëmë Activision thotë se nuk pret që loja të arrijë përpara fundit të 2021.
Gjatë mbledhjes së mbajtur së fundmi për fitimet financiare të Activision-Blizzard, kompania tha se asnjë lojë nuk është parashikuar për lançim në 2021. Sado që mund të jetë zhgënjyese ja vlen të përmendim se në procedurat standarte të Blizzard, data e lançimit të Overwatch 2 nuk janë njoftuar kurrë zyrtarisht dhe as nuk janë sugjeruar në ndonjë mënyrë.
Gjithsesi, do të mësojmë më shumë për Diablo 4 dhe Overwatch 2 pas disa javësh, pasi të dyja lojërat do të shfaqen në BlizzCon Online, që është planifiuar për datat 19-20 shkurt.