Një lojë e re e quajtur Outer Wilds është pranë lançimit dhe së fundmi të gjithë ata që po prisnin për ardhjen e saj, mësuan se loja do të jetë përkohësisht ekskluzive për PC në Epic Games Store. Lajmi i ka shokuar fansat deri diku, por nga ana tjetër kemi patur të bëjmë me raste edhe më të habitshme se ky, ndaj le të themi që nuk u çuditëm edhe aaaq shumë.
Nuk duhet ta ngatërrojmë lojën me The Outer Wilds, e cila ka praktikisht të njejtin emër dhe është gjithashtu ekskluzive e Epic. Outer Wilds-i në fjalë është një lojë nga Mobius Digital. Loja ka vite që pritet të dalë në treg dhe sigurisht, përpara ekzistencës së Epic të gjithë prisnin që të dilte në Steam. Tani zhvilluesit njoftuan se loja do të qëndronte përkohësisht si ekskluzive e Epic.
Outer Wilds do të lanohet fillimisht në Xbox One dhe PC, ndërkohë që platformat e tjera pritet të vijnë më vonë. Arsyeja pse loja qëndron në Epic Store është njëlloj me çdo rast tjetër të ngjashëm. Studioja ka ndjerë mbështetje nga kompania e Epic dhe ndarja e fitimeve aty është më e mirë.
Gjithsesi pjesa e përkohshmërisë në Epic do të thotë që herët a vonë, në rastin tonë vonë, loja do të vijë edhe në Steam. Thjesht fansat e zjarrtë do iu duhet të bëjnë sakrificën e kalimit në Epic, për ta luajtur të parët.