Oracle është në bisedime për të blerë TikTok në SHBA

Microsoft mund të ketë një konkurent.

Oracle ka shprehur një interes në blerjen e TikTok, kjo sipas Financial Times, duke i dhënë Microsoft një konkurent të mundshëm në misionin e tij për të kontrolluar aplikacionin kinez brenda SHBA. Oracle raportohet se ka qenë në bisedime me kompaninë mëmë të TikTok, ByteDance dhe se është duke e konsideruar seriozisht që të blejë biznesin e tij në SHBA, Kanada, Australi dhe Zelandën e Re.

Presidenti Trump nxorri një urdhër zyrtar, duke e detyruar ByteDance që ta shesë biznesin e tij në SHBA brenda 90 ditëve. Thuhet se bashkë themeluesi i Oracle, Larry Ellison, është një të paktët ekszekutivë të teknologjisë në SHBA që e ka mbështetur Trump publikisht. Kjo nuk do të thotë se sbën që Oracle do të ishte blerësi i preferuar i TikTok për Shtëpinë e Bardhë.

Një marrëveshje për të blerë vetëm një pjesë të TikTok do të ishte shumë komplekse teknikisht. Deri më tani, Microsoft është konsideruar si i pari në rradhë ndër blerësit amerikanë. Është përfolur se edhe Twitter ka shprehur interes për këtë, por janë vënë në dyshim kapacitetet financiare të tij për këtë marrëveshje. Sado që ByteDance nuk ka dhënë një çmim publik, do hamendësojmë se bazuar në suksesin e TikTok, ai nuk është i ulët.