Operation Shifting Tides ka ardhur në Rainbow Six Siege

Pritjes më në fund i ka ardhur fundit

I zbuluar fillimisht në Rainbow Six Pro League Japan Finals muajin e kaluar, Operation Shifting Tides është vlerësuar menjëherë shumë mirë. Duke sjellë dy operatorë të rinj si Wamai dhe Kali, sezoni duket se do t’i japë lojtarëve disa prej personazheve më unikë deri më sot. Sezoni gjithashtu do të sjellë një rework të hartës Theme Park nga Operation Blood Orchid, i cili do ta ndriçojë hartën dhe do t’i japë lojtarëve rotacione më të mira pasi e gjithë zona e trenit është hequr.

Operation Shifting Tides do të vijë sot, në 3 dhjetor, në të gjitha platformat. Si zakonisht, çdo platformë ka kohën e saj të lançimit. Lojtarët në PC do të jenë të parët që do të kenë mundësi ta provojnë në 15:00, ndërkohë që lojtarët në PS4 dhe Xbox One do të vijnë më vonë, respektivisht në 16:00 dhe 17:00.

Ubisoft gjithashtu zbuloi se do të ketë disa streamer charms që do të vijnë së bashku me Operation Shifting Tides. Lojtarët duhet të jenë të siguruar që llogaritë e tyre në Twitch dhe Uplay të jenë të lidhura me njëra tjetrën nëse duan t’i marrin charms që në ditën e parë.

Ubisoft ka punuar shumë prapa kuintave që prej lançimit të keq të Operation Ember Rise. Sezoni i kaluar u duk si një prej sezoneve më premtues në lojë, por gjatë lançimit serverat u sulmuan vazhdimisht me sulme DDoS. Operation Shifting Tides duket se do të jetë një prej sezoneve më dinamikë të Siege deri më sot, pasi shumë prej problemeve të mëparshme duket se janë zgjidhur.

Wamai dhe Kali po vijnë, prandaj sigurohuni që t’i bëni lojës update që të jeni gatë për të luajtur Operation Shifting Tides në Rainbow Six Siege.