Jo, nuk janë rreze X, por gjithsesi është e paparë
Jo, nuk janë rreze X, por gjithsesi është e paparë
Shumë përdorues të OnePlus 8 Pro kanë raportuar se nëpërmjet kamerës Color Filter mund të shohin përmes rrobave dhe sipërfaqeve të holla plastike. Nëse zgjedh filtrin Photochrom në menu dhe kthen kamerën nga sipërfaqe si bluza të zeza ose një telekomandë, ju mund të shikoni çdo gjë poshtë saj. Kini parasysh se objektet duhet të jenë të holla.
One of the best examples 🤯#OnePlus8Pro Color Filter Camera can see through some plastic pic.twitter.com/UkaxdyV6yP
— Ben Geskin (@BenGeskin) May 13, 2020
I pari që e publikoi këtë ishe Ben Geskin dhe më pas Unbox Therapy krijoi një video virale që mund ta shihni më poshtë. Por, si arrin OnePlus 8 Pro të shohë përmes këtyre sipërfaaqeve. Nuk ka të bëjë me rrezet X, edhe pse shumë tituj janë formuluar kështu. Në fakt, telefoni ka një sensor infrared. Rrezet infrared ndodhen menjëherë pas dritës së dukshme në spektrin e rrezatimit elektromagnetik dhe janë tërësisht të padukshme për syrin e njeriut. Ky rrezatim përdoret nga dylbitë e natës dhe kamerat termike. Rrezet infrared mund të depërtojnë përmes disa materialeve. Për shëmbull, zjarrëfikësit i përdorin për të parë përmes tymit.
Turns out the TrueDepth camera can also have the “X-ray” effect with some plastics. Here it is showing the insides of an Apple TV 4K. (Thanks @HarckerTech for the idea) pic.twitter.com/R8x8Bu4yPv
— Guilherme Rambo (@_inside) May 14, 2020
Inxhinierët e OnePlus 8 Pro kanë arritur ta shtojnë këtë filter në telefon, në mënyrë që kamera të shfaqë disa aspekte të objekteve që nuk mund t’i shohim me sy të lirë. Ka dhe kamera të tjera që mund ta bëjnë këtë gjë, siç është kamera TrueDepth e iPhone me programimin e duhur.
Megjithatë, kjo veçori sjell edhe shqetësime rreth privatësisë, sidomos kur vjen puna te fakti që kamera të lejon të shohësh përmes objekteve. Një incident i ngjashëm ndodhi edhe me Sony në 1990. OnePlus ende nuk ka folur reth situatës.