ONE Esports Singapore Major do të jetë eventi i fundit i DOTA për 2019

Singapori po merr shumë dashuri nga skena kompetitive e Dota 2.

ONE Esports Dota 2 World Pro Invitational nuk do të jetë turneu i vetëm i madh që po zhvillohet në Singapor këtë vit. Vendi do të presë ONE Esports Singapor Major për të mbyllur 2019-20 Dota Pro Circuit.

Në partneritet me PGL Esports, ‘Major’ i fundit që çon në The International 10 do të mbahet në Singapore Indoor Stadium me 16 të fundit duke u përballur edhe një herë të fundit për një ‘prize pool’ prej 1 milion dollarësh dhe 15,000 DPC.

Ky do të jetë eventi i fundit që jep pikë të drejtpërdrejta të DPC-së, që do të thotë se disa ekipe do ta përdorin atë si një përpjekje të fundit për të hyrë në TI10 pa pasur nevojë të jenë pjesë e një kualifikimi brutal rajonal më vonë. Në ‘Major’-in final të vitit të fundit, EPICENTER Major, Alliance ishin skuadra e fundit që u kualifikua për TI9 pasi pati një performancë të mirë tek eventi.

Është pak e çuditshme që dinim më shumë për ‘Major’-in e fundit para se të zbulonim për të pestin, por të paktën tashmë ne kemi informcion për shumicën e eventeve kryesore për sezonin 2019-20.

Ekzistojnë gjithashtu tre tournamente ‘Minor’ që ende nuk janë zbuluar, por organizatorët e turneut mund të flasin për të paktën njërin prej tyre në javët e ardhshme teksa afrohet WePlay! Bukovel Minor. ‘Minor’-i i ardhshëm do të lidhet me ESL One Los Angeles Major, i cili është ‘Major’-i i tretë i sezonit.

Përveç informacioneve bazike, ne nuk dimë shumë rreth ONE Esports Singapor Major, por kompania do të shtojë informacione të mëtejshme në faqen zyrtare të eventit.