Diana Rigg ndërroi jetë në moshën 82 vjeçare.
Diana Rigg ndërroi jetë në moshën 82 vjeçare.
Diana Rigg, e dashur dhe e njohur shumë në vitet e fundit për rolin e saj si Olenna Tyrell në Game of Thrones, ka ndërruar jetë. Lajmi u raportua nga BBC. Aktorja fituese e çmimeve Tony dhe Emmy, karriera e të cilës nisi në 1970, ishte 82 vjeç.
Agjentja e saj komentoi shkurt mbi situatën duke thënë: “ajo ndërroi jetë këtë mëngjes dhe ishte e rrethuar nga njerëzit e saj të dashur, të cilët kërkojnë mirëkuptimin e publikut në këto kohë të vështira.”
Rigg lindi në 1938 në Doncaster, Angli dhe studioi në Royal Academy of Dramatic Arts, përpara se të fillonte karrierën e saj teatrale dhe kinematografike. Ajo adhurohej nga audienca për kiminë fantastike që kishte me Patrick Mcnee në serialin The Avengers (jo i lidhur me Marvel). Në atë kohë ajo ishte shënjestër e komenteve negative, pasi kërkonte dhe luftonte publikisht për rroga të barabarta mes gjinive. Gazetat e asaj kohe majde, e quanin “lakmitare”
“Gjithmonë më portretizonin si një femër revolucionare dhe lakmitare. Unë thjesht flisja hapur për gjërat që më dukeshin të padrejta.”
Ajo ka luajtur në shumë filma dhe seriali përfshirë: The Assassination Bureau (1969), Evil Under The Sun (1982), King Lear (1983), Rebecca (serial, 1997), ka luajtur si Bond Girl në ” James Bond: In Her Majesty’s Secret Service ” në 1969, por gjithashtu në një pasazh nga Doctor Who në 2013 në një episod që Mark Gattiss shkroi në nder të saj.