OG Ceb është atleti në kopertinën e L’Équipe për nëntorin

Në familje nuk themi më që Sébastien luan, por punon”

Sébastien “Ceb” Debs është një prej lojtarëve më të mirë të Dota 2 në botë dhe pasi ndihmoi OG të bëhej ekipi i parë që fitonte dy herë The International, ai gjithashtu ishte dhe atleti në kopertinën e revistës franceze sportive L’Équipe.

Suksesi i tij në skenën e Dota padyshim që do të thotë shumë për vendin e tij, duke qënë se Ceb është i vetmi lojtar francez që ka fituar The International. Vendosja e tij në kopertinën e L’Équipe është një mënyrë shumë e mirë për të bindur lexuesit se gaming është një mënyrë e mirë jetese dhe se një francez po e bën më mirë se kushdo tjetër.

Kopertina e këtij muaji shfaq Ceb së bashku me nënën e tij, Corine Debs, me titullin “Më ndihmoni, djali im është gamer!“, gjë e cila na përgatit për intervistën në këtë revistë.

Përveç komenteve të zakonshme mbi kulturën e gaming dhe mendimet e prindërve për fëmijët e tyre që kalojnë shumë kohë me lojëra si Dota, artikulli tregon më me detaje se si Ceb filloi karrierën e tij në esports dhe se si familja e tij ndryshoi perceptimin për gaming. Në artikullin në website-in e L’Équipe, nëna e Ceb përshkruan ndryshimin që ndodhi që kur Ceb nisi të luante Dota në mënyrë kompetitive. “Në familje, nuk themi më që Sébastien luan, por që punon“.

Artikulli fokusohet shumë në familjen e Ceb dhe se si ata e pranuan profesionin e tij. Një prej përshkrimeve thotë se historia është një mënyrë shumë e mirë për të treguar se si një familje mund të ndihmojë veten dhe jetën e jashtëzakonshme të një kampioni esports.

OG do të humbasin Major-in e parë dhe me shumë mundësi të dytin e Dota 2 në sezonin 2019-20, për shkak se Anathan “ana” Pham dhe Topias “Topson” Taavitsainen kanë kërkuar një pushim nga skena kompetitive. Nuk dihet se kur kampionët do të rikthehen, por pyetja e vërtet është nëse ata mund të fitojnë për herë të tretë rradhazi The International.