CEO i Nvidia Jen-Hsun huang thotë se gjenerata e tanishme e kompanisë, kartat grafike Turing janë konkuruese me produktet 7nm, sipas shtypit në konferencën e teknologjisë GPU Technology Conference (GTC).
“Ajo që na bën të veçantë është se ne mund të krijojmë GPU më efikase për sa i përket shpenzimit të energjisë në botë në çdo kohë“, thotë Huang për GTC-në.
Të dyja kompanitë Nvidia dhe AMD janë klientë të TSMC, një nga pinoerët e procesorëve të avancuar. Njësia e procesimit 7nm tani përbën shumicën e të ardhurave të TSMC-së, duke tejkaluar të ardhurat nga njësia 16nm dhe pret që qindra klientë të tjerë të bëjnë kalimin gjatë vitit 2019.
AMD mezi ja ka dalë të konkurojë Nvidia-n që pasi ajo filloi të përdorte teknologjinë efiçente Maxwell. Dhe kështu AMD do të duhet të ndryshojë ç’do gjë rrënjësisht.
Nvidia, megjithatë, thuhet se ka nënshkruar si partner për procesorin 7nm EUV të Samsung, së bashku me IBM.
Teknologjia EUV synon të zvogëlojë kompleksitetin e prodhimit, duke reduktuar kështu kostot dhe kohën e shpenzuar çdo ditë. Nvidia ndodhet në një pozicion të mirë momentalisht. Kompania ka mundësi të prodhojë procesorë të gjeneratës së re por edhe mund të ndalet për një kohë të shkurtër e ti përqëndrojë resurset e veta diku tjetër pasi konkurenti i saj AMD ndodhet mjaft larg.
Nvidia ka lëshuar një gjeneratë të re midis Pascal dhe Turing: Nvidia Volta në vitin 2017. Megjithatë ky ishte një prodhim i cili nuk u shit në sasitë e pritura për shkak se nuk mund të kombinohej brenda një PC-je me një GeForce.