Po sikur të mund të bënitLivestream ose të regjistronit me kamerën që tashmë e keni dhe të keni një efekt të plotë greenscreen pa patur nevojën e një ekrani real jeshil? Kjo është një nga risitë që NVIDIA ka në plan të sjellë në NVIDIA RTX Broadcast Engine së bashku me OBS.
Ka webcams dhe softwares që tentojnë ta bëjnë këtë gjë edhe tani, por NVIDIA dallon sepse përfiton nga Tensor Cores në lineup-in RTX të kartave grafike dhe vendos përshpejtues Al për të përdorur në mënyra të ndryshme përgjatë RTXBroadcast Engine.
SKD-të e reja të RTX Broadcast Engine përfshijnë:
- RTX Greenscreen, për të sjellë ndryshime të sfondit në kohë reale në një webcam, që vetëm fytyra dhe trupi juaj të tregohen në livestream. Modeli RTX Greenscreen Al kupton se cila pjesë e imazhit është njeri dhe cila është thjesht sfond, ndaj gamersat kanë benefitin e një ekrani jeshil, pa patur nevojën ta blejnë.
- RTX AR, që mund të dallojë fytyrat dhe të gjurmojë tiparet e tyre, si sytë dhe goja. Në të njejtën kohë arrin të modelojë sipërfaqen e një fytyre, duke mundësuar efekte të augmented reality në pak sekonda, e gjitha me një webcam standart. Zhvilluesit mund ta përdorin këtë për të krijuar efekte argëtuese AR, si të lejuarit që një person të kontrollojë një personazh 3D me fytyrën e tyre.
- RTX Style Filters, të cilët përdorin një teknikë Al të quajtur ‘style transfer’ për të transformuar look-un në një webcam të bazuar në stilin e një imazhi tjetër. Me shtypjen e një hotkey, ju mund të stiloni feed-in e videove tuaja me pikturën e preferuar ose një vepër artistike të një loje.