Nvidia RTX 3080 Ti mund të jetë më e vogël sesa pritej

Karta mund të jetë më e vogël, por të harxhojë më shumë energji

Një imazh i bërë leak i serisë RTX 3080 u zbulua në qershor me një dizajn mjaft të veçantë, por ne gjatë kësaj kohe nuk kishim mundësi të bënim një krahasim të përmasave të kartës. Megjithatë, një leaker në Twitter tha se RTX 3080 Ti mund të ketë një chip me përmasa 627mm² dhe jo 754mm² si Nvidia RTX 2080 Ti.

Leaker-i thotë se kjo matje nuk është zyrtare dhe nuk është 100% e saktë, por thuhet se pajisja e re e Nvidia do të përdorë një chip 8nm nga Samsung, i cili e bën kartën më të vogël dhe më të fuqishme, por duke rritur edhe më tej konsumin e saj.

RTX 3080 Ti nuk do të ishte e vetmja kartë në serinë e re të Nvidia, me leaks që gjithashtu kanë zbuluar edhe RTX 3060. Pritet që ky model kartash grafike, i cili do të jetë më i liri i serisë, është ende në fazën e dizenjimit dhe do të lançohet disa muaj pas RTX 3080 dhe 3080 Ti.

Edhe pse duket se kompania po bën gati lançimin e kartave të reja duke parë këto leaks dhe spekulime, ata ende po punojnë për të reklamuar serinë e tanishme të kartave, duke dhuruar Death Stranding falas për çdo blerje të RTX 2060, 2060 Super, 2070, 2070 Super, 2080 dhe 2080 Ti.