Nvidia RTX 3060 mund të kushtojë më shume se RTX 3060 Ti

Gjatë CES 2021 Nvidia prezantoi RTX 3060 e cila do të lançohet gjatë muajit shkurt. Së fundmi disa raporte dhe leaks kanë zbuluar disa çmime rreth kësaj karte grafike të cilat janë më të larta se disa karta grafike të cilat janë më të mira se RTX 3060.

Së fundmi, një hardware retailer në Angli kishte publikuar çmimet për modele të ndryshme të RTX 3060 të cilat nisnin nga mesatarisht 500 £ që është e barabartë me afërsisht 690 dollarë amerikanë. Ky çmim është i ngjashëm me çmimet e modeleve të disa karta grafike RTX 3070 të cilat fatkeqësisht nuk i gjen dot më në treg për shkak të scalpers.

Nvidia bëri të ditur se çmimi i RTX 3060 do të niste nga 329 dollarë amerikanë por me aq sa po shohim kjo gjë ka mundësi të mos ndodhë. Çuditërisht çmimi që është zbuluar është më i madh se versioni RTX 3060 Ti i cili është më i fuqishëm se 3060.

Por mos u shqetësoni pasi ky është çmimi i vetëm një shitësi dhe akoma edhe më shumë shitës kanë për t’u shfaqur në treg duke bërë që me shumë mundësi këto çmime të ndryshojnë. E vetmja gjë që na shqetëson janë scalpers dhe GPU-miners të cilët së fundmi kanë bërë që tregu i kartave grafike të ndryshojë shumë.